Մեղրի, Կապան, Գորիս

Սիրում ես երկար՞ ճանապարհորդություններ, ուրեմն այս տուրն իսկը քեզ համար է։ Քեզ սպասում են բազում հրաշալի տեսարաններ Հայաստանի ամենից յուրահատուկ և ամենից լեռնային մարզում՝ Սյունիքում։ Կանցնենք Հայաստանի ամենաոլորապտույտ և բարձրադիր ճանապարհներով, կայցելենք Հայաստանի իրենց կոլորիտով միմյանցից տարբերվող երեք յուրովի գեղեցիկ և հետաքրքիր քաղաքներ։ Կտեսնենք բազմաթիվ ճարտարապետական կոթողներ։ Կհիանանք ամենից բարձր լեռների, անդնդախոր ձորերի ու հրաշագեղ ջրվեժների հիասքանչ տեսարաններով։ Կլինենք Հայաստանի ամենից հարավային և ամենից տաք բնակավայրում՝ ուր հասունանում են ամենաքաղցրահամ և ամենաարևաբույր մրգերը։ Կլինենք հայ-իրանական սահմանի անմիջապես հարևանությամբ և կզմայլվենք Արաքս գետի հիանալի տեսարաններով։